Lengo

Kubaini thamani ya fedha na matokeo ya uwekezaji wa umma kwa maendeleo ya nchi.

Idara hii itatekeleza majukumu yafuatayo:

1. Kufuatilia na kutathmini utekelezaji wa mipango ya taifa.
2. Kufuatilia na kutathmini miradi ya kielelezo na kupima utekelezaji wa miradi hiyo.
3. Kufuatilia utekelezaji wa maamuzi ya Baraza la Mawaziri kuhusu masuala ya mipango na usimamizi wa uchumi.
4. Kuchanganua na kuthibitisha taarifa za utekelezaji kutoka Taasisi na Mashirika ya Umma yanayotekeleza miradi.
5. Kufanya ufuatiliaji na tathmini ya mara kwa mara ya utekelezaji na kuandaa taarifa za utekelezaji.
6. Kufuatilia na kutathmini utekelezaji wa Mpango Mkakati wa Muda wa Kati wa Wizara, Mipango ya Mwaka na Programu mbalimbali.
7. Kuanzisha michakato ya ufuatiliaji na tathmini katika Utumishi wa Umma.
8. Kutoa taarifa za kitakwimu wakati wa kuandaa mipango na bajeti.

Idara hii itaongozwa na Mkurugenzi na itaundwa na Sehemu mbili (2)  kama ifuatavyo:-

1. Sehemu ya Mifumo na Kujenga Uwezo.
2. Sehemu ya Miradi ya Taifa.